Enxriilen — Octoberын 15, 2009, 9:28

Миний амьдрал 2 жилийн дараа

Миний амьдрал 2 жилийн дараа маш сайхан байлаа. Би өөрөө өөртөө хайртай хүнтэй хамт аз жаргалтай гэртээ сайхан амьдарч байна. Хэзээ нэгэн цагт амьдралд сайхан муухай зүйлс олон байгаа боловч надад дандаа сайхан зүйлс нь тохиолдсон мэт жаргалтай байна. Миний амьдрал дандаа дардан байгаагүй  ч одоо л би аз жаргалаа олж гэгээн бодлоор өөрийгөө дүүргэн, хүссэн ажлаа хийгээд л надад юу ч дутуу биш мэт санагдана. Гэгээлэг бодол гэгээлэг амьдрал дагуулдаг шүү дээ. Миний жаахан ч гэсэн бодролыг хуваалцаж уншсан та бас сайхан зүйл хүсч мөрөөдөх хэрэгтэй хэзээ ч хараар битгий амьдралыг будаарай. Амьдрал өөрөө гэгээлэг байж л тэр гэрэл гэгээ чинь мэдрэгддэг юм шүү дээ. Хүн бүр сайхан яагаад ч юм сайхан нэг нууцтай байдаг гэхдээ тэр нууцаа та өөрөө мэдэхгүй яваад байж болохгүй шүү дээ. Та толинд нэг хар даа Инээмсэглээд хараарай таниас гэгээлэг туяа цацарч гэрт чинь тэр энерги нэвтрэн орох болно. Таньд сайхан аз жаргал байгаа тэрийгээ битгий алдаарай.

Filed under: Бүлэггүй — Comments (0)
Enxriilen — Juneын 26, 2007, 3:50

Өнөөдөр 2007.06.26

Миний бичсэн зүйлийг унших бүх хүмүүст тухайн үеийн мэнд хүргье. Ажил дээрээ сууж байна. Гадаа нар гараагүй юм шиг хэрнээ нээх сайхан дулаахан бас намуухан өдөр байна. Өнөө орой ах маань Америкаас ирж байгаа бөгөөд миний хайртай хүний сэтгэлээсээ надад авдаг бэлгийг өгөх байх даа. Гэхдээ тэр хүн маань амьдралаа надад зориулсан болохоор надад түүнээс минь өөр үнэтэй зүйл үгүй. Би өөрийгөө ганцаарддаггүй гэж боддог хэдий ч энэ хүнгүйгээр өөрийгөө төсөөлөхөд хэцүү байгааг хол явсан хойно нь л ойлгосон доо. Байгаа үед нь гомдоогоод уурлаад бачимдлаа гаргаад тэнэг байж дээ. За за ажлаа хийхээс… Ажлаа хийхээс ч гэж дээ fitness-тээ явахаас даа. 6 болж байгаа юм байна шүү дээ. Баяртай.   

Filed under: Бүлэггүй — Comments (1)
Enxriilen — Mayын 31, 2007, 2:53

Нартай сайхан өдөр

Аяаа амьдрал өөрөө заримдаа ямар ч сайхан юм бэ дээ. Хайртай хүмүүсийнхээ хажууд байх бүүр сайхан юм доо. Өөрөө өөрөөсөө нэг л сайхан мэдрэмж аваад, гадаа сайхан болохоор бүүр нэг сэтгэл санаа сэргээд сайхан байна шүү. ӨНөөдөр Бурханы мэндэлсэн өдөр гэсэн болохоор ч тэрүү гэгээлэг сайхан юм бодоод, аз жаргалтай сайхан бас өөрөө өөрийгөө цагаан хоолоор дайлаад л. . . Нээрээ сэтгэл санаа, бие хөнгөн хаашаа л бол хаашаа нисчихмээр санагдаад байх чинь. Гадаа бороо орчихсон тэгээд нар гараад нээрээ сайхан байна шүү. Би 6 гэж ажлаа тараад fitness дээрээ очоод орой баахан ажил төлөвлөчихсөн тэгээд л нээх ядарсан хүн орондоо шургах байх доо. Амьдрал сайхан байгаа учраас өөр юунд санаа зовох бэ ийм л байна шүү.  

Filed under: Бүлэггүй — Comments (1)
Enxriilen — Aprilын 30, 2007, 1:36

2007.04.30

Onoodor gadaa salxitai muuxai ch yum shig gaigui ch yum shig odor baina. Ajliin shine odor xernee neg l tiim setgel sanaa togtvorgui odor bailaa. Say ongorson xagas saind ………neg xunii setgel sanaand jaaxan sev suulgachixsan boloxoor terendee sanaa zovood oligtoi ch baij chadaxgui n dee. Aav ni say nadruu zalgasan xedii ch minii yarisanaas arai l oor yum yariad baigaa bololtoi. Gexdee bi l buruu yum xiichixsen gej bodoj baigaa boloxoor ter xun nemej xachirlaad xelj baigaa ch gesen buruutai yum shig l sanagdaj baina. Xunees buruugaa xaixaar ooroosoo xai gedeg shvv dee. Amidral gedeg saixan xernee sanaan zorgoor boloxgui yum daa. Neg bol xun xeterxii bayrlasan uedee saraachix durtai neg bol gunigtai ued saraachix durtai baidag yum baina d. Ooriin bodol oortoo zov gedeg bas ortoi boloxoor ooriinxoo bodoj baigaa gegeeleg zamaar alxaaya daa. 05.07-nd minii xuvid mash chuxal xernee bas olon zuil oorchlox odor shig sanagdaj baina. Ene asuudal butsen ch buteegui ch bi ooriinxoo sanaj sedsen zuiliin daguu shiidveree gargaxaar chigeeree zorilgiinxoo toloo zvtgenee.

Filed under: Бүлэггүй — Comments (1)
Enxriilen — Aprilын 19, 2007, 23:31

Sorrow

Сайн байна уу миний орон зай минь. Өнөдөр жаахан гунигтай муухай өдөр байна даа. Гадаа хүйтэн салхитай нэг л зэврүүн өдөр байна тэгээд ч тэрүү сэтгэл санаа нэг л тийм байна. Ажил хийх гэсэн нэг л залхуутай бас өөрийн бизнестээ санаа тавьж чадахгүй зав муу байгаа нь тиймхэн. Маргааш сайхан гоо сайханд ороод саунд суугаад жаахан хөгжилтэй өнгөрөөнө дөө гэж төлөвлөж байна. За за хоолондоо ороод сайхан сэргэхээс дээ. Одоо 1 цаг 31 мин болж байна. 

Filed under: Бүлэггүй — Comments (1)
Enxriilen — Aprilын 6, 2007, 1:56

Дурсамж гэдэг хамгаас сайхан байдаг.

Unuudur 2007.04.06 gadaa saixan neg l setgel tatam odor baisan xarin odoo xuiten ch baix shig sanagdaad baina. Gexdee saixan odor bainaa ogloonoos xoish company-iin neg jiliin oi gej bujignasaar baigaad… Odoo tegexdee ajildaa orchood baij baina daa. Yu ch bichmeer yum be dee gexdee yum bichmeer sanagdaad l baina, gevch yu bichixee sain medexgui l baina daa. Oirdoo gertee gantsaaraa baisan boloxoor ch teruu jaaxan uitgartai bailaa. Ene 7 xonogoos daxiad uidaxgui baixaa. Za ene chigeeree amidral saixan l urgeljilj baina. Za za daraa bichixees dee. Neex udaxgui saixan shulgiin nomoo gargana esvel zoxiol bichne gej moroodoj suuna. Gexdee ene bol bielex bolomjtoi xyamdxan moroodol bi chadna gedegtee itgeltei baina gexvv dee.

Filed under: Бүлэггүй — Comments (0)
Enxriilen — Marchын 19, 2007, 6:39

Хайр минь ирлээ

Хайртай гээд ирэхэд чинь анх харсан билээ
Хайрын бурхан мэт шүтэхэд чинь анх болзсон билээ
Хар нулимсаа цувуулан гуйхад чинь анх итгэсэн билээ
Хэний ч хэлээгүй үгийг шивнэхэд чинь анх дурласан билээ

                     Тиймээ энэ миний анхны дурлал байсан

Тэргэл сартайд чамайгаа үгүйлдэг болсон байсан
Тэнгэрт 2лхнаа заяасан дурлалын бурхад мэт байсан
Тэр л үед чи минь наддаа өөрийгөө зориулдаг байсан
Тэнхээ тамираа тасартал бие биенээ хүсдэг байсан
                          Тиймээ энэ миний эр байсан
Хоёр зүрхээ бусдаас харамладаг байсан билээ
Хос нүдээ ч бусдаас нуудаг байсан билээ
Хэн нэгэндээ тунирхан гомддог байж билээ
Хэзээ ч салахгүйгээр маш их үгүйлдэг байж билээ
                          Тиймээ энэ миний анхны тунирхал байсан
Итгэл даагаагүй гээд бие биендээ хар нэмж байсан
Ингэх л ёстой юм шиг салж, нийлэн найзалсаар байсан
Энэ л үед бие биенээ үгүйлэх хайр багассан мэт байсан
Энэ л хугацаанд бид бие биенээсээ холдсоор байсан
                           Тиймээ энэ миний анхны хөрсөн сэтгэл байсан
Чамаас салъя гэж хэлэх надад хэцүү байгаагүй
Чамтай хамт байхгүй болсон гэж бодох сонихон байсан
Чамаас өөр хүнд дурлаагүй байж салахдаа өөрийгөө гайхаж байсан
Чиний яваад одсон зам надад бүдгэрсэн байсан
                             Тиймээ энэ миний анхны солиорол байсан
Уургын морь шиг омголон залуу насаа дахин харсан
Уулзаж учрахыг хүссэн залуусын тоо алдарсан
Ухаантай нэгнийг нь хүндэлж, унтах хүсэлтэйг нь өшигчдөг байсан
Ууж идээд, наргиж цэнгээд өөрөө өөрийнхөөрөө байсан
                              Тиймээ энэ миний анхны эрх чөлөөний мэдрэмж байсан
Тэгтэл би дахин дурласан,  тэнхээгээ дуустал хүссэн
Тэр л хүнийг би анхны эр хүн шиг харж итгэсэн
Тэрнийхээ юунд ч дурлаж хайрласанаа ойлгоогүй
Тэгээд л бид 2ийн хайрын орчлон цэцэглэсэн
                                Тиймээ энэ миний анхны хайр болж байнаа
Тэгвэл өмнөх нь хайр биш шохоорхол байсан байж
Тэгсэн байхаа би чамайг үзэн ядаж чадаж байсан
Тэнэг нэгнээр ч ядах юмгүй солидог байсан
Тэнгэрлиг гэж амласан бүхэн чинь үг л байсан
                                   Тиймээ тэр миний анхны тэнэглэл байсан
                                   Тиймээ одоо би хайртайгаа учирсан
                                   Тэр л хүнийхээ хөөрхөн үрийг дээжилнэ
                                   Тэнгэрт мандах нар шиг бид гэрэлтэнэ
                                   Тийм л хувь заяандаа бид хайртай
                          

Filed under: Бүлэггүй — Comments (1)
Enxriilen — , 6:04

Гунигийн зугаа

Дурласан зүрх шархалсан лугаа өдөр хоногууд үргэлжилж
Дутуу нойртой хоносон лугаа ядарсан төрхтэй хүмүүс зөрөлдөж
Дуулим хорвоо хаа нэгтэй нүүж яваа мэт шороо тоос эргэлдэж
Дэлхийн араатан амьтад сүйрсэн лугаа нэг ч үзэмж амьтан үл харагдана

Миний амьдрал баяр, гунигийн дунд жаргал зовлон дотор байсаар
Миний амьдрал үнэн худлын дунд баярлаж гунигласан ертөнц байсаар
Миний амьдрал эцэс төгсгөлгүй зугаа цэнгэлийн дунд хөлчүүрхсээр
Миний амьдрал өөрийн орших гоо ертөнцийг хэмлэсээр…

Filed under: Яруу найрагч биш ч... — Comments (0)
Enxriilen — , 1:58

Хайрын нууцаас…

Жинхэнэ хайрын 10 нууц [ 2007-02-17 ]
1 дэх нууц - Бодол санааны хүч
Жинхэнэ Хайрын эхний нууц нь Бодол санааны хүч болно. Хайр бодлоос эхэлнэ. Бид юугаар бодол санаагаа дүүргэнэ, түүнтэйгээ л адил хүн байна. Хайр дүүрэн бодол санаан нь хайр дүүрэн амьдрал, хайр дүүрэн харьцааг бий болгоно. Эерэг нотолгоонууд нь бидний итгэл үнэмшлийг, өөрийнхөө тухай болон бусдийн тухай санаа бодлыг өөрчилнө. Хэн нэгнийг хайрлахыг хүсч байвал түүнйихээ хүсэл, хэрэгцээг анхаар ч тооцох хэрэгтэй. Заяаны ханийн тухай бодол санаа нь уулзах уедээ түүнйигээ олж танихад тусална.

2 дахь нууц - Хүндэтгэлийн хүч
Жинхэнэ хайрын хоёр дахь нууц нь хүндэтгэлийн хүч болно. Хэн нэгнийг хайрлахын тулд эхлээд түүнйиг хүндэлж сурах хэрэгтэй. Юуны өмнө өөрийгөө хүндэлж сур. Өөрийгөө хүндлэхийн тулд ” Надад хүндлэхээр юм юу байна? ” гэж өөрөөсөө асуу. Бусдыг хүндлэх, ялангуяа өөртөө таалагддаггүй хүмүүсийг хүндэлж сурахын тулд ” Тэдний юуг нь би хүндэлж байна вэ? ” гэж өөрөөсөө асуу.

3 дахь нууц - Өглөгийн хүч
Жинхэнэ хайрын гурав дахь нууц нь бол өглөгийн хүч болно. Хэрвээ та хайрыг авахыг хүсч байвал зүгээр л өгөх ёстой! Хичнээн их хайр өгнө, төдий чинээ ихийг авна. Хайрлах гэдэг бол өөрийнхөө нэг хэсгийг үнэ өртөг, болзолгүйгээр өгнө гэсэн үг. Сайн үйлийг зүгээр л бүтээ. Харилцаанд орохоосоо өмнө нөгөө хүнээ танд юу өгч чадах тухай биш та өөрөө түүнд юу өгч чадах тухайгаа бод. Насан туршийн аз жаргалтай хайрын холбооны нууц томёо нь авч болох зүйлдээ биш, өгч чадах зүйлдээ анхаарлаа хандуулах явдал юм.

4 дэх нууц - Нөхөрлөлийн хүч
Жинхэнэ хайрын дөрөв дэх нууц нь нөхөрлөлийн хүч болно. Жинхэнэ хайраа олохын тулд жинхэнэ нөхрөө олох хэрэгтэй. Хайрлах гэдэг нь өөд өөдөөсөө харахыг биш нэгэн зүгт харахыг хэлнэ. Хэн нэгнийг үнэнээсээ хайрлахын тулд түүнйиг яаж харагдаж байгаагийнх нь төлөө биш, байгаа хэвээр нь хайрлах хэрэгтэй. Нөхөрлөл бол хайрын үрийг соёолуулдаг хөрс юм. Харьцаандаа хайр бий болгохыг хүсвэл эхлээд нөхөрлөлийг бий болго.

5 дахь нууц - Хүрэлцэхийн хүч
Жинхэнэ хайрын тав дахь нууц нь хүрэлцэхийн хүч болно. Хүрэлцэх нь саадыг давж, харилцааг бэхжүүлдэг хайрын хамгийн хүчтэй илэрхийлэл юм. Хүрэлцэх нь хүмүүсйин биеийн ба сэтгэл санааны байдлыг өөрчилж хайрыг хүлээн авах чадварыг нь дээшлүүлдэг. Хүрэлцэх нь биеийг эмчилж, сэтгэлийг дулаацуулна. Гараа дэлгэх нь сэтгэл зүрхээ дэлгэж байна гэсэн үг

6 дахь нууц - ” Эрх чөлөө олгох ” зарчмын хүч
Жинхэнэ хайрын зургаа дахь нууц нь “Эрх чөлөө олгох” зарчмын хүч болно. Та хэн нэгнийг хайрлаж байгаа бол түүнд эрх чөлөө олго. Хэрэв тэр буцаад ирвэл таных, ирэхгүй бол хэзээ ч таных байгаагүй гэсэн үг. Жинхэнэ хайрын харьцаанд ч хүмүүст өөрт өөрийн орон зай хэрэгтэй. Хайрлаж сурахыг хүсвэл эхлээд өршөөж, өнгөрсөн үеийн гомдол хорсол, уйтгар гунигаас ангижирч сур. Хайр гэдэг нь айдас, сэжиг таавар, эго, эндүүрлээс чөлөөлөгдөх гэсэн үг.

7 дахь нууц - Харьцахын хүч
Жинхэнэ хайрын долоо дахь нууц нь харьцахын хүч болно. Бид нээлттэй, илэн далангуй харьцаж сурвал амьдрал маань өөрчилөгдөнө. Хэн нэгнийг хайрлана гэдэг нь түүнтэй сайнаар харьцана гэсэн үг юм. Та хүмүүсйиг хайрлаж, үнэлж байгаагаа тэдэнд мэдэгд. “Би чамд хайртай” гэсэн гурван шидэт үгийг хэлэхээс хэзээ ч бүү ай. Хэн нэгнийг магтах боломжыг хэзээ ч битгий алд. Хайрладаг хүндээ хайрын үгээ заавал хэлж бай. Магадгүй та түүнйиг сүүлчийн удаа харж байж ч болно. ” Хэрвээ чин удахгүй үхэх болоод хүссэн хүн рүүгээ утасдах боломжтой байсан бол хэн рүү утасдаж юу хэлэх байсан бэ? Яг одоо үүнйиг хийж яагаад болохгүй гэж?”

8 дахь нууц - Үнэн ч байхын хүч
Жинхэнэ хайрын найм дахь нууц үнэн ч байхын хүч болно.
Хайр жинхэнэ байхын тулд түүнд үнэнч байж, энэ нь бодол санаа, үйл ажилд нь хэрэгжиж байх хэрэгтэй. Yнэнч чанар бол хайрын жинхэнэ шалгуур юм. Жинхэнэ хайрын харьцаатай байхын тулд уг харьцаандаа үнэнч байх хэрэгтэй. Та хэн нэгэнд, ямар нэг зүйлд үнэнч л юм бол түүнээ орхих хувилбар хэзээч байх ёсгүй. Yнэнч чанар бат бөх харьцааг хэврэг харьцаанаас ялгаж өгдөг.

9 дэх нууц - Хүслийн хүч
Жинхэнэ хайрын ес дэх нууц нь хүслийн хүч болно. Дур хүсэл нь хайрыг бадраан, унтраахгүйгээр тэтгэж байдаг. Насан туршийн хүсэл нь зөвхөн бие махбодийн сонирхолоор биш, тууштай үнэнч чанар, урам зориг, үнэнч сэтгэлийн сонирхол, сэтгэлийн догдлол, баяр хөөрийн тусламжтайгаар бий болно. Дур хүслийг мэдэрч байсан тэр үеэ эргэн санаж сэргээх замаар түүнйиг дахин асааж болно. Гэнэтийн зүйлс, гэнэтийн бэлэг нь дур хүслийг бий болгоно. Хайр болон аз жаргалын утга учир нь нэг юм. Өдөр бүрийг дур хүсэлтэйгээр амьдрах хэрэгтэй.

10 дахь нууц - Итгэлийн хүч
Жинхэнэ хайрын арав дахь нууц нь итгэлийн хүч болно. Жинхэнэ хайрын харьцаанд итгэл амин чухал. Түүнгүйгээр нэг нь хардамтгай, түгшүүр, болгоомжлолоор дүүрэн болж нөгөө нь өөртөө чөлөөтэй амьсгалах ч боломж өгөхгүй байна гэж бодсоноор сэтгэл зүйн занганд ордог. Бүрэн итгэлээ өгөхгүйгээр хэн нэгнийг хайрлах боломжгүй. Хайртай хүнтэйгээ харьцаа холбоогоо хэзээч таслахгүй юм шигээр амьдар. Тухайн хүн танд тохирох эсэхийг шийдэх нэг арга нь: ” Би түүнд ямар ч болзолгүйгээр бүрэн итгэж байна уу?” гэж өөрөөсөө асуух явдал юм. Хэрвээ хариулт нь ” үгүй ” гэж байвал үүрэг хариуцлагыг өөртөө авахаасаа өмнө сайн тунгааж бод
Filed under: Бүлэггүй — Comments (0)
Enxriilen — , 1:55

Гоо сайхны нууцаас…

Илүүдэл үсээ яах вэ? [ 2007-03-13 ]
Эмэгтэй хүнд тулгардаг гарын шуу, хөлийн шилбэ , шанаан дээр ургадаг энэ илүүдэл үсийг моодны сэтгүүл дагаж хусаж цэвэрлэх хэрэг байна гэжүү. Энэ илүүдэл үс улирал хамаарахгүй бүтэн жилийн турш тэмцсэн ч байж л байдаг. Арилгах гэж олон төрлийн аргуудыг хэрэглэсэнээр эмэгтэй хүний булбарай биеэн дээр шарх болон үлддэг.
Энэ нь ялангуяа цайвар үстэй, өнгөлөг мэдрэмтгий арьстай бүсгүйчүүдэд хамааралтай юм. Тэдний арьс үс арилгах олон аргыг хүлээж авахдаа маш эмзэг байдаг. Депиляц нь хааяа бидний биед цочрол өгч, архаг өвчин, цаашилбал фолликулит буюу үсний уутны өрөвслийг бий болгон гэмтээдэг байна. Бидний биеийн хөлний шилбэ, суга, гарын шуунд гардаг үсний онцлог ялгаанаас болж энэ асуудалтай тэмцэхэд гарын доор хэрэгслүүд бий ч нилээд хүнд байдаг. Энэ тохиолдолд ойр зуурын гарын доорх хэрэглэлүүдийг зөв сонгож чадвал шарх сорвио багасгаж болох юм.

Крем
Одоо цагт илүүдэл үсээ арилгах хамгийн түгээмэл аргуудын нэг бол олон төрлийн цэлцэн /алим, жимс,сүү буюу шоколадийг нухаж хутган хөөсрөөлсэн идээ/ , оо зэрэг болжээ. Энэ хэрэглэлүүд их түгээмэл байдгаас гадна өртөг бага шаардагдана. Үүнээс гадна биеийнхээ дуртай хэсэгт түрхэж болно. Хамгийн гол нь хэрэглэж байх явцад ямар нэг элдэв гаж нөлөө үзүүлдэггүйгээрээ онцлог юм. Эдгээр хэрэглэлд илүүдэл үсний уган дахь кератинг буулгах бэлдмэл агуулагддаг байна.
Та кремээ түрхсэнээсээ хойш 5-15 минут болоход хангалттай. Энэ нь үсний уганд нэвтрэн ордог чадвар муутай депиляторыг харгалзаж үзэхгүйгээр тун зохистой хангалттай хурдан хугацаа юм. Харин үс цэвэрлэсэн эмчилгээний дараа биеийн цэвэрлэсэн хэсгүүдэд хар цэгүүд үлддэг. Үүнийг харгалзан бодно.
Энэ хоёр асуудлыг андуурахгүй байх нь чухал. Үсний уганд үйлчлэх кремийн үйлчилгээний идэвхийн талаар олон мэдээлэл байдаг ч харамсалтай нь хувь хүний биеийн онцлогоос хамааран арчилгааны дараа үсний ургалт удаашрах нь бий. Ийм учраас 3-4 өдрийн дотор ургаж эхэлдэг.
Өөр нэг чухал дутагдал нь депиляторийн крем юм. Хэрвээ та суган дахь үсээ цэвэрлэсэн бол нэг хэсэгтээ саван дезодорант хэрэглэсний хэрэггүй. Хэрвээ та хэрэглэсэн тохиолдолд депиляторын шүлт хүчтэй болж , улайн цочрол өгдөг. Энэ тохиолдолд эмзэг арьсны нүүрны крем , чийгшүүлэгч , сүүн шингэн тус болж чадна. Үсээ кремээр цэвэрлэсний дараа ямар нэг лосьон, эсвэл спиртийн найрлагатай тоникоор арчсаны хэрэггүй. Хүйтэн усаар арьсаа угааж, ус нэвтэрдэггүй алчуураар нямбай арчихад хангалттай.

Нүүр, хүзүүнийхээ арьсыг хэрхэн арчлах вэ? [ 2007-03-11 ]
Өөртөө хайртай, өөрийгөө хүндэлдэг хэн боловч залуу, сайхан төрхөө насан туршид хадгалахыг хичээдэг бөгөөд торго шиг зөөлөн, уян налархай арьсаа хөгшрүүлэхгүй арчилахын суурь нь арьсаа зөв цэвэрлэдэгт оршдог.
Арьсны цэвэрлэгээ, ялангуяа нүүр, хүзүүнийхээ арьсыг зөв цэвэрлэх нь үрчлээтэхээс сэргийлэх хамгийн шилдэг аргад тооцогддог. Үүнийг сонссон хүн “Нүүрээ угааж чадахгүй хэн байхав” гэдэг ч бодит амьдрал дээр бид нүүрээ өдөрт хэдэн удаа цэвэрлэхийг тэр бүр мэддэггүй. Та нүүрээ өдөрт хэдэн удаа, юугаар, яаж цэвэрлэхээ арьсныхаа төрлөөс хамаараад өөр өөр байдгийг мэдэх үү? Гэсэн хэдий ч нүүрийг өдөрт хоёр удаа сайтар угаахыг зөвлөдөг. Нүүрээ угаахдаа доорхи дарааллыг баримталж заншаарай.
1. Эхлээд усаар угаалгүй, тосоор арчина. Сүүн шингэн, цөцгий, тосон цэвэрлэгчээр бүх будгийг арилгана.

2. Будгаа арилгасны дараа шингэн саван, хөөс, гелээр угаана. Үүнийг хийхдээ тусгай порлон, хөвсгөр зөөлөн угаагч, сальфеткаар хийвэл дээр.

3. Нүүрээ угаатал арьс гуужвал “скраб”-аар (элстэй цэвэрлэгчээр) цэвэрлэж үхсэн арьсаа унагаарай. Гэхдээ үүнийг өдөр бүр хийж болохгүй, учир нь арьс харлаж, сэвхэх аюултай.

4. Дараа нь нүүр, хүзүүгээ халуун, хүйтэн усаар ээлжлэн булхах хэрэгтэй. Ингэхэд арьсны цусан хангамж сайжирч арьсны өнгө сэргэдэг. Харин эмзэг арьстай, улаан хацар, хамартай хүмүүст үүнийг хориглодог.

5. Угааж дуусаад нүүрний гол хэсгээс гадагш чиглүүлсэн хөнгөн иллэг хийнгээ алчуураар зөөлөн дарж хатаана. Нүүр, гарын алчуур ширүүн болоод неолонтой биш зөөлөн (даавуун материалаар хийгдсэн) байх шаардлагатай.

Маск
Хүн бүр химийн хольцгүй, байгалийн гаралтай, цэвэр бүтээгдэхүүн хэрэглэхийг зорьдог. Тиймээс жимс, жимсгэнээр арьсаа арчилах талаар зөвлөе.
Нимбэгээр батга арчлахад үрэвсэл намдааж, нүх агшаан, арьсыг цайруулах үйлчилгээ үзүүлдэг. Мөн арьсанд тэжээл өгч, өнгий нь сэргээдэг.

Нимбэгний шүүстэй усаар нүүрээ угааж, нимбэгийг жимстэй хольж маск бэлтгэж болно.

Өргөст хэмх, байцааны шүүсийг үрэвсэл дарах, цайруулах, арьсыг чангалах зорилгоор хэрэглэнэ.

Бяцалсан гүзээлзгэнийг архитай, тал аяга жимс, хоолны халбага архи хэмжээтэйтэй хэрэглэнэ.

Мэдрэмтгий, цочиромтгой арьсанд
Аарцтай маск: 2 цайны халбага тараг, 5гр алимны шүүс, нэг өндөгний шарыг 5гр камфорын тостой хольж хутгана. Ийм мэск арьсыг гайхалтай зөөлрүүлэх бөгөөд түүнийг 10-15 минут тавихад хангалттай.

Үхрийн нүд жимсээр хийсэн маск: Бяцалсан үхрийн нүдийг, цөцгийтэй (тараг, хоормогтой) хольж 10-15 минут хиртэй тавьсаны дараа хүйтэн усаар угааж авна. Ийм арчилгааг өдөр алгасалгүй, долоо хоног хийхэд арьс зөөлөрч, сэвх бүдгэрэн, арьс цайдаг.

Суларсан арьсанд.
Зөгийн балтай маск: Нэгээс хоёр цайны халбага овъёсны гурилыг, жижиг халбага халаасан зөгийн бал, хөөсөртөл хутгасан өндөгний шартай холино. Зуурмагаа нүүр, хүзүүгээр түрхээд 20 минутын дараа хүйтэн усаар юмуу норгосон хөвөнгөөр зөөлөн арчина. Суларч, сульдсан арьсыг сунгаж чирэлгүй, зөөлөн дарж арчих ёстой.

Ердийн арьсанд
Алимны маск: Алимны шүүсийг, геркулес, бүлээн сүүтэй ижил хэмжээгээр холино. Бэлэн болсон зуурмагийн жимсний хүчлийг арьсанд шингээхийг хүсвэл маскийг аль болох удаан хугацаагаар /20-30 минут / тавиарай. Алимны маск арьсыг цайруулж, толийлгодог.  
Залуужихын тулд өлсөх юу ч биш [ 2007-03-10 ]
Таргалалт нь өөрийгөө хэрхэн захирч чадахаас л шалтгаалдаг. Ихэнх махлаг хүмүүст өдөрт таван зун грамм турах боломж байдаг. Хүсвэл өдөрт 2 кг турах ч боломж бий. Гагцхүү өөх биеийн чинь хэсгэр илүү хуримтлагдсанаас л шалтгаална. Гэдэс ташаагаараа махлаг хүмүүсийн өөх хайлах нь амархан байдаг. Ер нь хоол тэжээлийн шимт бодис хуримтлагдаж өөх болсоныг л таргалалт гэдэг шүү дээ. Турахыг хүсэгчидэд зөвлөхөд долоо хоногийн ядаж хоёр өдөр нь өлсөж бай. Хэт хоолоо сойх нь өвчлөлтийг үүсгэдэг гэдэг үзэл хоцрогджээ. Хамгийн гол нь залуужжжлах үйлчилгээ үзүүлдэгт л өлсөлтийн нууц оршиж байгаа юм. Харин ч өлсөлт нь бохирдсон арьсыг толийлгож илүү өнгөлөг залуу харагдуулдаг гэнэ шүү.

Үргэлж залуу байх 10 зарчим
- Хэт цадахгүй байх
- Хоолны төрөл насандаа тохирсон байх. Гуч гарсан эмэгтэйчүүд элэг, самар тогтмол хэрэглэвэл үрчлээ үүсэх нь удаан байдаг.
-Өө Өөртөө тохирсон ажил хийх
- Амьдралынхаа ханийг зөв сонго.
- Бүх зүйдл дээр өөрийн гэсэн бодол байх суурьтай бай. Ухамсартай амьдардаг хүн бусдыгаа бодвол дарамт шахалтанд бага өртдөг.
- Байнга хөдөлгөөнтэй бай. Өдөрт багаар бодоход 10 минут спортоор хичээллэ.
- Сэрүүн тасалгаанд унт.
- Yе үе өөрийгөө эрхлүүл. Хүссэн зүйлээ авахдаа мөнгө бүү харамла.
- Yргэлж уурлах хэрэггүй. Сэтгэл таагүй үед орчин тойрнийхондоо ярь. Инээвэл амархан тайвширна.
- Уураг тархиа дасгалжуул. Үгийн сүлжээ хааяа бөглөхөд гэмгүй.  
Yс юунаас болж хагтдаг вэ? [ 2007-03-08 ]
Хүний үснээс лабораторын тусламжтайгаар шинжилгээ авч эрдэс бодисын агуулгыг нь тодорхойлдог аж. Ингэснээр ямар бодис дутагдалтай, хэрхэн нөхөж болох талаар тодорхойлолт гаргадаг аж.
Гэвч энэ нь төдийлөн үнэн зөв дүгнэлт болж чаддаггүй байна. Учир нь хүний бие организм дэх хоол тэжээлийн дутагдэл хүний үсэндэхээс харилцан адилгүй хэмжээтэй байдаг. Жишээ нь бие организмд нь цайр дутагдаж байхад үсэнд нь харин ч ипүүдэлтэй байх жишээтэй. Харин үсэнд хийсэн шинжилгээгээр хортой бодис байгаа эсэхийг нарийн сайн мэдэж болох гэнэ.
Хаг нь хуйхны гадаргуу дээр үүссэн давхарга. Хэрэв таны үс хагтсан бол Селений найрлагатай шингэн саван хэрэглэвэл үр дүнгээ илүүтэй өгнө. Шингэн савангаа түрхээд таван минут хэртэй байлгаж байгаад усаар зайлах хэрэгтэй гэнэ. Yс, хуйхаа долоо хоногт доод тал нь нэг удаа шингэн савантай усаар угааж байх хэрэгтэй юм. Үс амин дэм, эрдэс бодис дутагдсаны улмаас хагтдаг. Иймд В-6, В-12 амин дэм, хивэг, загасны мах зэрэг Селентэй хоол тэжээлийг хэрэглэж байх нь үс хагтахаас сэргийлэх юм байна. Самрын тосыг нимбэгний шүүстэй хослуулан хэрэглэдэг уламжлалт арга ч бий. Бүлээн самрын тосыг хуухандаа түрхээд дээрээс нь шинэхэн нимбэгт жимсний шүүсийг түрхэх нь илүү үр дүнтэй. Ингэж түрхээд хэдэн минут байлгаад усаар угаана.
Зөөлрүүлсэн ус арьсыг булбарай болгодог [ 2007-03-07 ]
Ус чандмань эрдэнэ гэж үнэн билээ. Усыг бид өдөр тутам янз бүрийн зориулалтаар өргөн хэрэглэдэг. Наад зах нь хир буртгаа угааж цэвэр цэмцгэр явахад ус ямар их ач холбогдолтойг хүмүүс хэлүүлэлтгүй мэднэ. Усгүйгээр гоё сайхан гэрэл гэгээтэй байх талаар санахын ч хэрэггүй биз ээ. Тэгээд ч арьсны цэвэрлэгээнд ус хамгийн түгээмэл хэрэглэгддэг нэгэн чухал хэрэглүүр юм. Гэвч усыг тэр чигээр нь өөрөөр хэлбэл хатуулагтай усыг гоо сайхны зориулалтаар хэрэглэж болохгүй хэд хэдэн дутагдал бий. Ердийн хэрэглээний усанд хүнд металь, давсууд, хлор зэрэг хортой бодисууд агуулагдсан байдаг юм.Ийм усыг хатуу ус гэдэг. Хатуу ус арьсанд нэвчиж арьсыг гүйцэд цэвэрлэж чаддаггүй ба усны хатуулгын давс савангийн зарим нэг хэсэгтэй нэгдэж усанд уусдаггүй арьсыг цочроож гэмтээдэг бодис үүсгэдэг. Ийм болохоор усыг зөөлрүүлэхгүйгээр гоо сайхны зориулалтаар хэрэглэхийг хориглодог. Усыг заавал зөөлрүүлж хэрэглэх ёстой. Ялангуяа нүүр, гарыг зөөлрүүлсэн усаар угаахад арьс зөөлөрч, гөлгөр толигор болохоос гадна янз бүрийн халдвар авахгүй сайн талтай.

Усыг зөөлрүүлж хэрэглэх хэд хэдэн арга байдгаас дурьдъя.

Үүнд:
1. Усыг нэг цагийн турш буцалгаад зургаан цаг байлгасны дараа хэрэглэж болно.

2. Нэр литр усанд тал цайны халбага бура эсвэл 1/4 цайны халбага сод, тал аяга глицерин хийж усны хатуулгийг арилгана.

3. Нэг стакан усанд хоёр хоолны халбага өргөст хэмхийн буюу алим, улаан лооль, эсгэсэн байцаа ны шүүс нэмнэ. Өөр бас тэр хэмжээний усанд 2 цайны халбага сүү хийж усыг зөөлрүүлж болдог.

4. Нэрмэл усыг гоо сайханд маш их хэрэглэдэг. Ийм усыг эмийн сангаас авах ёстой байтал хүмүүс тогооны тагны устай зүйрлэж мөн дэлгүүрт зардаг цэвэр ус, содтой болон бусад хийжүүлсэн ундаатай андуурдаг. Нэрмэл усыг тусгай аппаратаар ариун цэврийн дээд зэргийн шаардлага хангасан нөхцөлд гаргаж авдаг болохоор ямар ч хольцгүй цэвэр байдаг.
Цэвэршүүлж зөөлрүүлсэн усаа ариутгасан цэвэр шилэн саванд хийхгүйгээр гартаа тааралдсан бохир саванд хийчихвэл таны хөдөлмөр хий дэмий үрэгдэнэ гэдгийг санахад илүүдэхгүй болов уу. Хэрвээ та гоо сайхнаа удаан хадгалж хүүхдийнх шиг уян зөөлөн булбарай арьстай явъя гэвэл хатуу биш, зөөлрүүлсэн усыг хэрэглээрэй. Танд сайн сайхныг хүсье.

Хумс гоё бол гар гоё … [ 2007-03-03 ]
Эмэгтэйчүүд бидний нэрийн хуудсыг гар, хумс гэдэг. Тиймээс бүсгүй хүн бүр зөөлөн дулаан гартай, гоё сайхан хумстай байхыг хичээдэг. Энэ удаа хумсны гэмтлийг арчлах талаар зөвлөе.

Эмзэг хугарамтгай хумстай бол
Эмзэг хугарамтгай хумсыг бэхжүүлэхийн тулд А витамин хийж бүлээсгэсэн наранцэцгийн тосон дээр 3 дусал иод эсвэл 5 дусал нимбэгний шүүс нэмсэн бэлдмэлийг хэрэглэнэ. 7 хоногт 1-2 удаа хэрэглэхийг хичээргээрэй. Дээрхээс гадна далайн давстай ус, зөөлөрч хэврэгшсэн хумсыг хамгийн сайн бэхжүүлдэг.
Түүнийг худалдааны төвд зарагддаг далайн болон хоолны давс ашиглаж бэлтгэдэг. Үүнд нэг хоолны халбага давс, нэг аяга ус, нэг дусал йод орно. Давсны уусмалаар хумсаа өдөр бүр буюу өнжөөд 10-20 минутаар 2,5 долоо хоногоос нэг сарын турш арчина. Үүнийг жилд хэд хэд давтах хэрэгтэй. Хэврэг хумсыг нимбэг нэрс улаалзганын шүүсээр тогтмол арчихад гайхалтай сайхан нөлөө үзүүлдэг.

Давхраатан зузаарсан хумстай бол
Хатуурч зузаараад олон давхар үе үүсч нидрүүлэгний ар шиг барзгар хумс мөөгөнцөртсөнийг гэрчлээд зогсохгүй янз бүрийн химийн бодис чанар муутай бүтээгдэхүүн хэрэглэдгийн үр дүнг харуулдаг. Ингэж гэмтсэн хумсыг арчлахдаа нэг удаагийн бээлий хэрэглэж, хамгаалах суурь лак заавал түрхэх ёстой.

Шарласан хумстай бол
Хумс бага зэрэг шарлахыг элдэв өвчинтэй холбож сэтгэлээр унах хэрэггүй. Тийм хумсыг 3%-ийн устөрөгчийн хэт исэл, нимбэгний шүүсээр арчаарай. Мөн өөрийн гараар хийсэн хумс цайруулагчийг хэрэглэхэд гэмгүй. Шарласан хумс цайруулагчийг хийхийн тулд танд 1% глицерин, 5% устөрөгчийн хэт исэл, 4% нэрмэл ус эсвэл 1% глицерин, 1,5% пергидроль, 4% нэрмэл ус хэрэгтэй.

Зэтэр гэмтсэн үед
Хумсны арын махыг зэтэр гэдэг. Энэ мах сөрдийхөд хумсандаа тэжээлийн тос түрхэх хэрэгтэй. Зэтрийг зориулалтын савх багажаар янзалдаг. Сөртийж хөндийрсөн зэтрийг мэрж тасдах хэрэггүй. Зэтрийг хуулж гэмтээсэн бол шалбарсан хэсгийг йод, ёпиртээр арчиж цэвэрлээд эмтэй лент наана. Шархны тавыг хуулж болохгүй.

Хумсаа сайхан харагдуулахыг хүсвэл арчилгааг нэг удаагаар дуусгавар болгож болохгүй шүү. Тиймийн тулд та өөрийгөө үргэлж арчлан, торд
Витамин арьсанд хэрхэн нөлөөлдөг вэ? [ 2007-03-02 ]
Юуны түрүүнд хоол хүнсэндээ онцгой анхаарах ёстой. Чанарлаг, эрүүл хоол хүнс хэрэглэснээр гоо сайхан арьстай байгаад зогсохгүй өвчин зовиургүй эрүүл энх байхын эх үүсвэр болно.
Бидний хэрэглэж буй идэш тэжээл цусаар дамжин эд, эсүүдэд хүрч, улмаар эрүүл мэнд гоо сайханд нөлөөлдгийг эрдэмтэд эрт нотолсон. Хүнсэнд агуулагддаг витаминууд арьсанд хэрхэн нөлөөлдөг болохыг дуулгая.

Витамин Е
Хамгийн хүчтэй нэгдэл бөгөөд дангаар нь болон түүнийг агуулсан ногоо жимс тогтмол хэрэглэх хэрэгтэй. Энэ нь арьсны гадаад давхаргад юунаас ч илүү нөлөөлөх бөгөөд өнгөлөг сайхан арьстай байхад туйлаас чухал.

Витамин С
Нарны нил ягаан туяанаас үүсэлтэй. Үрэвслийн эсрэг үйлчилгээтэй тул нүүрэн дээр элдэв юм гарахаас сэргийлж чаддаг. Витамин С агуулсан хүнсний бүтээгдэхүүн хэрэглэвэл үр дүн нь илүү сайн.

Витамин А
Арьсны цусан хангамжийг сайжруулах, нөсөөжилтийг бууруулж эд эсийг төлжүүлнэ.
Эдгээр витаминыг идэш тэжээлээс авах нь илүү үр дүнтэй бөгөөд дангаар хэрхэглэх тохиолдолд гоо сайханч, эмчийн зөвлөгөө авах хэрэгтэй.

Filed under: Бүлэггүй — Comments (0)